SALEUM PEUTURI
Oleh: Safdyhati
 |
Pujoe keu rabbi nyang peujeut donya
Keu Rasulullah panghule nabi
Seulaweut ta brie tiep-tiep kutika
Lewat media kamoe peuturi
Bak konsentrasi guru agama
Nyan keuh geu seubut nan supervisi
IAIN Ar-Raniry program S2
Awai mula phon nama lon kisah
Pak Jasmaniah guru SMK
Rot Aceh Tamiang keuno geulangkah
Leupah that beutah nibak asrama
Pak Maryada leupah that gagah
Geusawak ngon tah geujak u pasca
Aceh Selatan gob nyan meu tugah (s)
Kota nyang ceudah ngon panorama
Nyang keu lhee Kak Mailis Nurhasanah
Seumeulu indah rot nyan geuteuka
Geupeugah haba lengkap ngon kisah
Han soe nyang bantah bukti ka nyata
Muhammad Yanis keu-4 lon peugah
Geujak kuliyah rot Aceh Jaya
Mahi bak suson sabee makalah
Kayem geu singgah bak dunia maya
Cut Bang Muhtaril keu-5 kisah
Rot Aceh Tengah teuka u banda
Geu sok ngon bajee ganteng sileupah
Meutamah gagah sok kacamata
Pak Nazaruddin deungoe lon kisah
Papi geu peugah bak unit dua
That hati-hati haba geu olah
Gob nyan keu langkah rot Pidie Jaya
Bu Suriani carong meu olah
Meunyoe goh lom pah han geu teurima
Di Aceh Besar gob nyan meu tugah (s)
Mami geu peugah bak unit dua
Cut Kak Susanna mameh sileupah
Gob nyan meu tugas di Nagan Raya
Teuseungeh sabee ureung jih ramah
Hana tom marah bak peugah haba
Ibu Yulinar sikureung kisah
Dari Kota Gas teuka u banda
Bahasa Arab jago si leupah
Ubeut si leupah ngon kacamata
Di Pak Zulkhairi kreatif leupah
Foto geu olah deungon kamera
Rot Kota Sabang keuno geu langkah
Leupah that ramah ngon ureung lingka
Hana cit salah bah lon peuturi
Muhammad Safdy ulon poe nama
Galak meu sya-e haba meurawi
Bak supervisi guru agama
Kasep troh oh noe kamoe peuturi
Jan laen kali ta sambong haba
Ta lakee do’a ka nibak rabbi
Blog supervisi ramee yang hawa
Banda Aceh, 4 Mei 2013
Tidak ada komentar:
Posting Komentar